இந்திய மத்திய வங்கி இலங்கைக்கான ரூபாய் வர்த்தக கணக்குகளுக்கு அங்கீகாரம்

டிசம்பர் 16, 2022-கொழும்பு: இந்திய ரூபா வர்த்தக தீர்வு பொறிமுறையின் ஊடாக இலங்கையுடன் வர்த்தகத்திற்காக 05 ‘வொஸ்ட்ரோ’ கணக்குகளை திறக்க வங்கிகளுக்கு இந்திய மத்திய வங்கி அனுமதி வழங்கியுள்ளது என ராய்ட்டர்ஸ் வெள்ளிக்கிழமை (16) தெரிவித்துள்ளது.
இந்திய ரூபாய் வர்த்தக தீர்வு பொறிமுறையானது சர்வதேச பரிவர்த்தனைகளுக்கு டாலர்கள் மற்றும் பிற முக்கிய நாணயங்களுக்கு பதிலாக இந்திய ரூபாயை பயன்படுத்த அனுமதிக்கிறது.
ராய்ட்டர்ஸ் மதிப்பாய்வு செய்த அதிகாரப்பூர்வ ஆவணத்தின்படி, இந்தியாவின் மத்திய வங்கி ரஷ்யாவுடன் ரூபாய் வர்த்தகத்திற்காக 12 ‘வோஸ்ட்ரோ’க்களை திறக்க வங்கிகளுக்கு ஒப்புதல் அளித்துள்ளது. இலங்கையுடனான வர்த்தகத்திற்கான ஐந்து மற்றும் மொரிஷியஸுடனான வர்த்தகத்திற்கான ஒரு கணக்கு உட்பட ஆறு மற்ற கணக்குகளும் அங்கீகரிக்கப்பட்டுள்ளன என்று ஆவணம் காட்டியது. இந்திய ரிசர்வ் வங்கி (ஆர்பிஐ) ஜூலை மாதம் பொறிமுறையை நிறுவியது. இந்திய அரசாங்க அதிகாரி ஒருவர் ராய்ட்டர்ஸிடம், டாலர் பற்றாக்குறை உள்ள நாடுகளை இந்த பொறிமுறையில் கொண்டு வர அரசாங்கம் பார்க்கிறது என்று கூறினார்.