2023 ජනවාරි 15, කොළඹ: ආණ්ඩුක්‍රම ව්‍යවස්ථාවේ 13 වැනි සංශෝධනය සම්පූර්ණයෙන්ම ක්‍රියාත්මක කිරීමට රජය අපේක්ෂා කරන බව ජනාධිපති රනිල් වික්‍රමසිංහ මහතා පැවසීය.
සෑම ජන කොටසකටම අයත් ජනතාවගේ ප්‍රශ්න විසඳා සැමට සහජීවනයෙන් ජීවත් විය හැකි රටක් ගොඩනැගීම සඳහා සමාජ සාධාරණත්වය කොමිෂන් සභාව ස්ථාපිත කරන බවද ඔහු පැවසීය. ජනාධිපතිවරයා මේ බව පැවසුවේ අද (15) පස්වරුවේ යාපනය දුර්ගා ශාලාවේ පැවති ජාතික තෛපොංගල් උත්සවය අමතමිනි.
සියලු ජාතීන් සහජීවනයෙන් ජීවත් වන රටක් ගොඩනඟා ආර්ථික සමෘද්ධිය ළඟා කර ගැනීමට යැයි ජනාධිපතිවරයා ප්‍රකාශ කළේය. වසර 75කට පෙර දිවංගත ඩී.එස්. සේනානායක මහතා ස්ථාපිත කළ ශ්‍රී ලාංකේය අනන්‍යතාවය වෙත සියලු දෙනාම ආපසු යා යුතුය.
සංහිඳියාව සඳහා රජය ගෙන යන ක්‍රියාමාර්ග පිළිබඳ ප්‍රකාශයක් පෙබරවාරි මාසයේදී ප්‍රසිද්ධියට පත් කරන බවත් ඒ පිළිබඳව සාකච්ඡා කිරීමට ලබන සතියේ පක්ෂ නායකයින් කැඳවා සාකච්ඡා කරන බවත් ඔහු පැවසීය. අතුරුදන් වූවන්ගේ පවුල්වලට සහන සැලසීම සඳහා සත්‍ය සෙවීමේ කොමිසමේ වැඩකටයුතු කඩිනම් කරන බව ද ජනාධිපති වික්‍රමසිංහ ප්‍රකාශ කළා.
