2022 දෙසැම්බර් 26, කොළඹ: යුරෝපීය රටවල සංචාරකයින් 516 දෙනෙකුගෙන් යුත් කණ්ඩායමක් MV Silver Spirit මගී නෞකාවෙන් ඊයේ ත්‍රිකුණාමලයට පැමිණියහ. නෞකාව ත්‍රිකුණාමලය වරායේ අෂ්රොෆ් ජැටියේ නැංගුරම්ලා තිබුණා.
ශ්‍රී ලංකා වරාය අධිකාරියේ නේවාසික කළමනාකාර සමන් පෙරේරා මහතා පැවසුවේ ත්‍රිකුණාමල වරායට මෙතෙක් පැමිණි විශාලතම සංචාරක කණ්ඩායම එය බවත් ඔවුන් ශ්‍රී ලංකාවේ රැඳී සිටින කාලය තුළ තායිලන්තය බලා පිටත්ව යාමට පෙර සීගිරිය, දඹුල්ල, අනුරාධපුරය සහ පොළොන්නරුව යන ප්‍රදේශවල සංචාරය කරන බවත්ය. ඔවුන්ගෙන් රුපියල් මිලියන 2.1 ක ආදායමක් වරාය අධිකාරියට ලැබුණු බව ඔහු පැවසීය.
